早前提過連我都竟然要出 trip.... 實在慘無人道, 原本話同我一齊去仲要帶埋個仔去既四姐 (我 dept head), 臨時有事唔去得, 最後得我一人. 雖然想起唔使對足四姐四日三夜, 我有一刹那開心. 但當想起, 原本兩個人的工作要我一個人完成, 我開始笑唔出
之前趕 project, 又要在出 trip 前作點工作準備, 忙到好似一個癲婆一樣. 最後弄得上機前一晚只能睡了三個鐘, 差點遲到 check-in........ 上機以為可以偷點時間睡, 可惜鄰坐乘客不斷和我傾計...... 點解唔體諒我實在很想睡一會, 真係見唔到我既黑眼圈咩......
由於今次幫公司帶了點很重也很重要的文件過馬拉, 我担心寄倉時行李會爆開會好肉酸, 於是打算在機場買條行李帶縳緊行李...... 點知走了幾間舖, 只找到一條我最怕的顏色和最不得我歡心的 ====> 鮮粉紅色 hello kitty 行李帶, 完全非我 style ....... 逼於無奈, 別無他選
在 KL 機場等行李時, 前面的一對夫婦看著遠處的輸送帶上的我的行李..... 對那條 sharp pink hello kitty suitcase belt 評頭品足了好一會, 直至發現它的主人就站在他俩的後面才停止討論.
無奈地拿著幾件行李, 烈日當空的拿著一件大褸 (香港當日只得十三度....), 出發去酒店. 幸好之前到過 KL 玩, 所以都識識地路.
今次入住 Le Meridien, 好處是走幾步路就到 office, 同埋靚 !
settle down 後, 走落 food court 食下午茶, 返房小睡片刻, 同事 why 便接我去同 ex-同事去食 seafood dinner..... why 再次的眼濶肚窄, 三個食飯最終叫了五個人份量的食物. 食物實在好味, 也由於忙於處理枱上的海鮮, 我一張相也沒有影........
然後回酒店梳洗..... 還有點時間, 於是打算先做個 mask 才睡. 點知擹在床上不知不覺睡著了, mask 依然在面上, 直至零晨三四點才覺得好像有點東西黏著, 伸手把 mask 拿下, 隨手掉在地上, 繼續睡.....
假如之前有看我 blog 的朋友, 你們都知道我怕一個人睡酒店房, 出發前還很担心...... 我想其實原來不用太担心, 因為我真的覺得很累了.
沒有留言:
張貼留言