嘔白泡 + 嘔血 - 2006.08.30

女同事要生 bb, 放產假.....

為了填補人手不足, 於是請了個 temp, 個女仔因為 narrow mind + 身體虛弱, 於是做了不夠一個月走了..... 時間緊迫, 選擇不多, 今次請了個男仔做 temp.

原本以為有兩個月 handover, 大把時間, 他他條條, 怎知人算不如天算, 總是要令我走投無路.

因為時間不足, 大肚女同事 handover 也很趕, 以為找了個做了十多年有關經驗的可以安枕無憂.
每次問他問題, 答案總是 "得得得, 無問題 !" end up?? 真係得啖笑. 以芒果話頭 ~ 講就凶狠, 做就 xx.

我不嬲都是快手快腳, 沒太大耐性的人. 我以為尤其對於一個經驗比我多的人, 不必過份詳盡解釋手板眼見功夫, 否則好像有點不尊重. 不過, 最後還是發覺唔多對路, 於是每交代一個 job 都講得清清楚楚, 我都好少會咁長氣, 因為咁會令我唔夠時間做自己的工作, 但無辦法........ 我很怕最後發現錯漏百出要執手尾. 對我來說, 我情願他做慢少少, 我們這個行業, accuracy, timeliness, completeness 都好重要, 如果結果是快而錯, 我絶對看不出有任何著數. 每次好似好快做完個 job, 其實有錯要再做過, 因快得慢, 得不償失. 我絶對鼓勵遇上任何困難便發問, 我一定會盡力解決, 但其實有個 condition.... 請自己先行想想, 把問題先過一過自己腦袋才發問可以嗎? 同一個 job 我可以解釋一次, 再解釋第二次, 或許有需要的話我會解釋第三次, 但不要再問我第四次了, 我會發癲打人 ! 做得慢, 不要緊, 因為我已暗啞底幫他做了, 真的希望他明白這不是因為他的能力高超了, 也不是因為今個月清閒了, 而是有人硬食了. 不要再因為想減少工作而 complaint 邊幾份 report duplicated 了, 因為一點理據也沒有.

時間一直在走, 社會一直向前行, 人當然可以選擇留在原地故步自封. 但既然沒福份留在原地, 便要起步跟著時代走. 我公司的工作不算很複雜, 如果不能適應我們公司, 出去適應其他公司難度也一定不會低.

其實做任何工作, 能力還是次要, 有 sense 才是大本錢.