Yahoo blog 終於 upgrade. 如果唔係要上網揾資料去 honeymoon, 都唔會開返自己個 blog 睇, 因為一入去就見十萬個唔知係咩人既留言. 講無聊野既又有, sell 自己既又有, 賣野又有. d spam 多到你見唔到真係留言比我既朋友仔. 雖然 yahoo blog 係我用得最耐既 blog, 但係睇佢都步入死亡, 拿拿聲把所有野上埋 blogger, 做埋 backup. 同時間 yahoo 同 blogger 一齊行. 老實講 blogger 版面靚 d . 不過用開 yahoo 有少少感情啦.
反正 yahoo 個 blog 好似遲早都要全面 upgrade. 所以算啦, upgrade 啦....... 一係唔做.... 一做個 upgrade 就攪左我好些時間...... 希望 yahoo blog 真係可以重新做人啦.
話說回來, 都算係一個好好既反省機會, 因為一睇個 statistics, 年年都有 成九十篇, 懶個年都有廿多篇..... 今年... 八個月過左啦.... 得一篇咁大把. 真係可以話懶得太緊要啦. 好好醜醜要寫返多 d , 如果唔係真係開始唔識寫字.
