十四天的困獸鬥 - 2006.08.11

上年年尾和 GOR 了歐洲二個星期, 去之前有點担心... 相見好, 同住難, 仲要連續十四天, 食飯坐車睇地圖, 每日對足廿四小時..... 我同佢到底會否反目成仇的回到香港呢.....

答案係: 我地依家仲係朋友.... 都唔知係好彩定唔好彩.... ha ha ha

GOR近日看了我的 KL 之行, 突然間有感而發, 竟然同我回顧我地歐洲之行

佢平日記憶力有點問題, 周不時同佢講完, 一陣就唔記得, 然後問我做乜唔同佢講, 我有時都會很氣餒, 但算了吧, 可能因為佢細個時比車撞過.... 佢依家無低低地已經還得神落.... 點知佢竟然記得在英國時, 我因為佢一句說話而一直唔睬佢 (直至佢 say sorry 為止)

幾日前佢先同我講返, 原來佢當時好意外我會唔睬佢, 因為他一直都知我玩得, 估不到我那次會玩認真. 其實我只要佢一句 sorry 作為下台階, hhaaaa, so simple

其實那次歐洲之行, 我地玩得好開心, 風和日麗, 心情又靚, 雖然去之前和旅行期間也有為不少事情拗過, 不過我和佢也是那種沒什麼所謂的人, 容易話為, 拗完笑下便沒事繼續玩

大家出來行, 都係你幫我, 我幫你. 老土 d 講句, 在家靠父母, 出外靠朋友.

雖然, 無可否認, GOR有時會有點小朋友, 把口唔收, 但係當有重要事情發生的時候, 真的會考慮別人的處境, 不自私, 因應別人的情況加以幫助.

我在西班牙被偷了錢包, 好在我不是一個人. 原來住 cheap cheap hostel 時, 我地一人給分配了一個八人大房, 他有想過如果火燭要怎樣通知我一齊走. 與其說我負責行程, 他負責安全, 倒不如說我地其實互相照應.

有人會甘於聽著甜言蜜語覺得很滿足, 我寧可看身邊的人所作的行動. 去旅行, 開心與否, 並非地點問題, 重點是人腳, KL 之行跟歐洲之行, 實有天壤之別.