變形金剛 - Transformer

我自己都估唔到今個暑假檔, 我竟然一連睇左二套機械人戲. (早前睇的 T4 同埋今日睇既 TRANSFORMER)

以為冷冰冰的剛鐵竟然又叫有血有肉喎. 之前的 T4 有 MARCUS 的捨身成仁, 把自己的心臟給了 JOHN CONNER 延續生命 (係架, 每個人都應該有機會去改過, 重新貢獻自己, 所以再一次希望大家可以支持正生), 今次的 TRANSFORMER 也有柯柏文捨身救阿 SAM, 阿 SAM 又捨身救回柯柏文, 天火又改狂歸博, 並把自己的生命給與柯柏文.

講真, 細個時都有睇變型金剛卡通, 不過不太熱衷, 所以無睇第一集, 同樣地, 今次都係 K 想睇, 所以先會去睇.

吖, 又比預期中好喎

當然啦, 好難用理智同 LOGIC 去睇呢套戲. 但係始終好想問, 點解女主角明明係要去救男主角, 都要著起碼三吋的高踭鞋去又跑又走呢? 咁又點解轉頭又見佢換左條褲仲著埋對 BOOT 架呢? 一開塲狂派係上海攪事, 一隻二隻大大隻機械人係條橋度跑來跑去, 仲又打又炸, 就真係唔係好 MAKE SENSE 啦. 編劇一定係唔知中國的建築有幾兒戲. 莫講話比 D 極重型機器係度來來回回, 就算係剛起好的橋/樓都會無啦啦塌下啦.

話說回來, 當中的小角色反而很吸引. 例如突然間變成機械人的家庭用品, 大黃蜂和 TWINS 的情緒啦, 老人家的天火改邪歸正啦, 也有狂派探子變成了女主角的乖巧寵物. 仲有仲有的是男主角的同房和前 S-7 Simon, 都為整套電影帶來開心的元素.