昨晚瞓得不錯，吃過酒店早餐，執拾一下就坐的士過 Singapore Flyer．
星期天，路好像好靜，突然見到一羣單車經過，的士要改道．問過的士司機，佢話今日係全民 Sports Day．有的路封了一兩條線比市民踏單車．草地有球賽，有嘉年華，市民都走出來享受明媚陽光，感覺多好．
網上訂了十點鐘的旅巴過境馬來西亞新山的 Lego Land．早到了，兩個人周圍望，最後可以坐早一班車去．旅巴上大部份都是香港人．其中有一群香港男女，有老有幼，一行十六人，就在過關時展現了喜歡出醜的特質，在等過海關時大聲講大聲笑，旁若無人，最後比海關出聲叫佢收聲，仲話唔幫佢打印，要佢排過第條隊．當然佢地即時黑面，返上車時仲係咁同朋友講個海關有幾衰．唉，面係人地比，假係自己掉既．
到馬來西亞邊境大約需要一小時，基本上好似係香港搭巴士返深圳差不多，一過左邊境你會感覺到所有野都唔同晒．一入新山，第一個感覺係好荒涼但又好晒．應該係諗住攪到好似一個渡假勝地咁，不過現時來講只係一片泥地一些荒廢池塘，而LegoLand 就係呢片荒地之中既樂園。
樂園本身唔算好大，而且人很少，少人到可以你樂園影到d無人做背景既相。行走其中感覺零壓逼感。一直都對 Legoland 有種 fanttasy。覺得係一個充滿童真同創造力的地方。看著那些由細细件 lego 组合而成的世界之窗，真的睇到嘩嘩聲，好靚呀！不過真的好晒。玩一陣就要揾地方避一避個太陽，不斷咁揾冰凍既野飲，無晒胃口食飯，可能水份已經蒸發晒，唔係好使去厠所。望下周圍既工作人員，個個眼神都好迷，明白既。
好在朋友之前都同我講過樂園唔足够比我地玩一日，所以我訂回程車既時候已經訂最早既四點十五分既旅巴返星加坡，當時我地兩個已經晒到謝晒。
反而返到 Singapore Flyer 又好似醒返咁。係陽光底下嘆左份咖央多士同熱奶茶，爽！
題外話。 聞說星加坡有個 tour package。你可以租名車自駕遊，又或者租佢地車，佢揾做你司機。係 Singapore Flyer 我們剛好見到有宣傳，就係旅遊巴隔離放左架林寶堅尼同法拉利。大家有興趣，下次去星加坡可以試試。
剛剛晒完大半天最好就是返酒店休息一下。ＨＥＡ 遊星加坡，咁先至似放假。
傍晚由酒店行去揾海南雞飯。 旅遊書上說是間老字號，名字是逸群，店內人也很多，以為好穩陣。點了海南雞飯，湯，燒肉。樣樣都唔對路。好失望。
食完飯，見天未黑，即刻坐的士去一個我地都好想去既地方。 The Gardens by the Bay. 係一個剛剛建好既沿海計劃既一部份。遠遠已經見到有幾棵好似宮棋駿故事裡的大樹木，好科幻，好未來，好 modern。走近點，發現身處一個大公園，這幾棵樹叫 Skywalk。晚上會著燈，有音樂 show。我倆站在樹下看了兩次。好動人的一個表演。
後來去到 The Gardens 的書店才知道這個計劃背後的 concept 原來是個環保項目。公園內的電力由燒掉枯萎植物產生，供應公園內之用。 Skywalk 的樹木是兩水收集器等等。 幾得意，一個我認為好值得去既地方。
沒有留言:
張貼留言