2011 年 9 月 14 日 － 富良野／函館
昨晚在白銀莊實在睡得不好，Ｋ持續的不安，加上有另外一位住客很晚才入住，又好早起身開始把東西搬來搬去，所以我們都早早爬起，早點吃早餐，早點出發。這次一泊二食包括的早餐是我們整個行程裡最差的，算了算了，還是快點出發。
為了早點離開民宿，我們到逹芝士工房的時候，工房還未開工，車塲空空如也，哈哈，我們比員工更早到。
芝士工房位處森林附近，一早到逹可以享受那裡的寧靜，綠意，流水聲，還有特別清新和豐富的氧氣，加上濃郁的牛奶和芝士蛋糕，愉快的過了一個早上。然後開車找油站，入滿油就可以還車了。玩了三天的自駕遊就此完結，之後的旅程就要靠ＪＲ了。
富良野站應該算是一個大站，很喜歡它新舊交融的設計。我們在站外等車的時候，遇到一對日本情侶，讓我們見識到北海道的治安。話說他們把兩個喼加一個手袋，就這樣的放在我們附近，然後走左去公園影相，完全無諗過行李會比人攞走咁，極度放心。。。呢種唔需要担心小偷的情況，係北海道好似好普遍咁。
到底富良野去函館點去法呢？其實有好多方法。我地去富良野時走的是上路，由札幌＝＞旭川＝＞美瑛＝＞富良野。今天離開是走下路，全程ＪＲ由富良野＝＞新得＝＞南千歲＝＞函館。之前揾過資料又睇過旅遊blog，呢條路都唔多人行，所以資料不多。不過Ｋ想走一未試過的路，對我來說有點冒險。
尤其是上到月台，發覺架ＪＲ得兩卡，真係有Ｄ惊惊地。上車時發覺頭一卡車已被一羣宅男坐滿，佢地放低行李就下車圍著架ＪＲ爬高爬低係咁影，到底呢架車有咩咁特別呢？我地真係唔明，香港人唔好蝕底既精神，佢地影既地方我地都有影，哈哈
打開窗吹著風，陽光射進車廂，窗外風光明幑，這種享受由ＪＲ停第一個站開始一路減少。因為呢架ＪＲ停既站都好似癈壚，又破又舊。不過Ｄ鐵路迷好似好開心好興奮咁，每停一個站佢地都會第一時間落車係咁影係咁影，跟住上返車再等下個站再影。Ｋ見我咁緊張，叫我放輕鬆Ｄ，返正都上左車囉。終於無驚無險去到新得站。比較起之前的細站，呢個算係好正常啦。由於要坐另一架由新得開去南千歲既ＪＲ，我們就在車站外的一間小店吃了個豬肉定食。雖然是一個很荒蕪地方的一間小店，但係味道也不錯。
愛刹了日本的鐵路系統，很清晰，很準時，很少誤點，這對我們這些自由行火車轉火車的旅客是個很大的幫助。坐太耐啦，到逹南千歲時開始有點呆，買了包話梅同埋可樂，用來救命。好不容易先去到函館，真係一身鬆晒。
酒店就在ＪＲ站對面大概走五分鐘，名叫 Comfort Hotel。佢個名雖然叫 Comfort ，但係就發生左一Ｄ令我地唔係好 comfort 既事，呢個係後話。
放低行李後，係酒店飲左杯免費咖啡，唔知今晚食乜好，於是行了去出名的大門橫丁，係裡面行左轉，最後決定去龍鳳拉面，叫了佢地最出名的黃金牛油鹽味拉面。佢既湯底係雞湯，加上牛油，又香又好味。
食完晚餐，其實時間還早，不過跟札幌一樣，店舖都收得早。在超市走了一轉，買了些零食就回酒店睇日文電視，當正自己識睇既一樣。
沒有留言:
張貼留言