三思

星期日比較得閒, 原本打算兩餸一湯白飯任裝, 結果切到最後一刀既時候, 也是諗野諗到出左神既時候........ 切左落手指 , 埋門一腳, 實在唔低.

事實証明, 煮食是一件需要非常専心的工作, 一不留神就會發生意外.

而實驗又証明, 由影像經眼部神經再傳上大腦再發生思考的時間比痛楚傳到大腦快好多好多. 細節是....... 當時我正在切冬瓜皮, 切到最後一塊時, 突然看見有血射出來, 然後覺得有點古怪, 再想......冬瓜明明是植物, 咩事冬瓜會比我切到 BIT 血呢???? 然後才開始覺得痛. 一開始痛, 就一發不可收拾.

很久很久沒有試過痛到流眼淚...... 對上一次應該是中學時不小心把手指穿入正在運行的風扇內. 似乎手指是很容易受傷的部份.

K 幫我止血後, 入廚房收拾亂局. 結論是..... 切親手指都攪到周圍血...... 刹左人真係不得了, 仲點可能清潔得到. 刹人前真的要三思.