到底 - 2007.07.19

再講泳池, 真係.....

坐在池邊的太陽椅上回氣, 突然有個成身查到反晒光的男人, 著住豆拎邊的泳褲站在我隔離, 佢突然開出蘭花手, 然後扭著腰和 pat, 原來, 他在跳拉. 丁. 舞. 本身跳拉丁唔係大問題, 就算唔著衫跳都還可以, 但係其實佢會唔會攪錯左, 呢度係 pool, 佢以為係 Black Pool 呢?

岸上太可怕, 唯有落水. 先看到一男一女, 男的在教女的游自由式. 女的試了好多次, 都係勁沉同亂抓. 於是佢不斷咁問男朋友, 點解試極都係唔得既? 男朋友說 "你苯囉". 實情係男朋友教女孩的游泳方式基本上係錯既.

不想大笑, 於是游過對岸. 聽到兩位皮膚很白, 頂著大肚子的大概三十歲男子的對話.

男子甲: 你睇粉紅色呢個, 咁先叫有 d 睇頭吖嘛
男子乙: ok 啦, 嘩我上次上深圳做個全身按摩, 嘩, d 女按晒我全身架.
男子甲: 嘩, 係咩, 咁正呀? 下次叫埋我去嘛. 喂喂,你睇呢個. 應該有 B, 33B.
男子乙: 衣, 勁喎, 你咁都知既..... blah blah blah...

其實呢, 全身按摩如果唔係按晒全身, 咁你到底想點呢? 同埋呢, 點知有 33B 呢? 從來無從驗證過的, "知" 其實就等於 "估". 咁到底有乜咁勁呢?

一個兩位數字加上一個英文字母原來令人想像無限.

呼了口氣, 還是上岸, 起碼有陽光和拉丁舞.