黑夜

失驚無神去睇戲, 原先有人要睇"深山大屠殺", 但係已經落左畫, 於是老細提議去睇 "黑夜", 無人有意見, 於是快快的把 2nd round 飲完趕去戲院

我去之前沒有看過影評, 以為會很恐怖, 宣傳海報也像很得人惊, 點知, 我地幾個由頭笑到落尾.....
這個港, 日, 泰的組合中, 香港那部份算最正常.....

香港部份~~ 最唔知點解 race 無啦啦咁死法.... 只要唔郁, 反轉個人坐返起身, 咁就唔使死.... 最後無啦啦郭品超又自己揾槍打爆自己個頭.... 佢一腳踏兩船都唔似會為女人死... 最想知道一開始個阿伯其實係咪鬼....

日本部份~~ 基本上唔係鬼片, 係異形片, 成套戲其實唔關鬼事, 係隻大尤魚作怪, 但男主角栢原崇真係幾靚.... 不過套戲就睇完都唔知做乜, 而係呢個時候, 其中一位朋友已開始打鼻韓....

泰國部份~~ 係最好笑既.... 睡著了的朋友可能被我們的笑聲笑醒了, 一家三口個仔死左, 但係仲一直係媽媽身邊, 相安無事, 無啦啦有一日媽媽發現個仔原來唔係人, 於是個仔突然間要揾佢媽媽報仇 (?!) 個仔既鬼造型一 d 都唔恐怖, 我地見個細路坐係度份鬼, 畫晒黑眼圈, 但係又流左滴口水係下巴去整鬼佢 daddy, 我地個個笑到死左... 點解唔係流血係流口水 ??

總之無啦啦咁就幾十蚊..... 寃枉...

ps.. 朋友話係 road show 見到 race 宣傳 "黑夜" 的訪問, 佢笑住咁話 "好惊架".... 我依家知點解啦......